Kandidati i LDK-së për kryeministër, Avdullah Hoti në “Rubikon” të KTV-së duke folur për renditjen në listën e kësaj partie, tha se nuk ka pasur asnjë hakmarrje ndaj askujt.

“Mesazhi i kësaj liste ka të bëjë se kemi një listë të pasur. Edhe ardhjet e reja, kemi dashur t’u japim mesazh se janë të mirëpritur”, tha ai, raporton Gazeta Blic.

Ai ka thënë se nuk ka pasur pakënaqësi në lidhje me këtë renditje në listën e koalicionit LDK- AKR- Alternativa.

Ndryshe, deputetja më e votuar femër e LDK-së, Vjosa Osmani u rendit numër 81.

Hoti  ka folur EDHE për kandidaturën e tij për të ardhur në krye të qeverisë.

“Unë të gjitha përgjegjësitë që kam pasur në LDK, i kam kryer me përgjegjësinë më të lartë. Edhe gjatë kohës sa kam qenë ministër, kam kryer detyrat në mënyrën më të mirë të mundshme. Është krijuar një frymë e re dhe janë ndërmarrë reformat e duhura për ekonominë e vendit”, tha ai, raporton Gazeta Blic.

Ai ka thënë se me isa Mustafën janë bashkë që nga viti 1999, nga Institutit Riinvest, Universiteti i Prishtinës, Komuna e Prishtinës dhe së fundi në Qeveri./arbresh.info/